Ci budzie Biełaruś płacić reparacyi Ukrainie? Razvažaje ekśpiert
U novym vypusku TOKu viadomaja jurystka, byłaja zahadčyca kafiedry mižnarodnaha prava fakulteta mižnarodnych adnosin BDU Kaciaryna Dziajkała patłumačyła, ci pavinna Biełaruś płacić reparacyi Ukrainie.
Paškodžanyja ŭ vyniku rasijskaha abstrełu žyłyja damy ŭ Dniapro. Fota z sacyjalnych sietak
Adkaz na pytańnie, ci budzie Biełaruś płacić Ukrainie reparacyi, na pohlad Dziajkały, zaležyć ad niekalkich faktaraŭ, u tym liku ad taho, ci budzie Ukraina hetaha patrabavać.
Ale, zaŭvažaje ekśpiert, navat u vypadku, kali takoje patrabavańnie aficyjna nie budzie vysunuta, Biełaruś moža dobraachvotna pajści na taki krok, jak heta zrabiła Aŭstryja paśla zakančeńnia Druhoj suśvietnaj vajny.
Ekśpiert adznačaje, što jana sama ličyć, što Biełaruś pavinna płacić reparacyi, bo heta «vialiki ŭkład ŭ pieraasensavańnie taho, što adbyłosia, i našaj adkaznaści». Heta pytańnie, jak adznačaje Dziajkała, pavinna šyroka abmiarkoŭvacca ŭ biełaruskim hramadstvie. Vypłata reparacyj — heta častka kalektyŭnaj adkaznaści, prajava dobrasumlennych pavodzin.
«Kali Ukraina budzie patrabavać, my adnaznačna pavinny [płacić]. (…) Kali Ukraina nie patrabuje, to ja dumaju, što niejak hetaje pytańnie pavinna być prahavorana. Heta adkaznaść novaha ŭrada, u tym liku pa častcy admyvańnia dziaržavy ad taksičnaha abličča, što jamu dastałasia ŭ spadčynu. Heta budzie zadačaj novaha ŭradu — admycca.
Tak nie atrymajecca, što, viedaješ, my typu pryjšli, anučkaj vycierli jak by i ŭsio. Nie, heta ŭsio za nami idzie. Heta supiervažna — adkaznaja pazicyja novaha ŭrada. I darosłaja, ja b skazała, pazicyja. Nie saskočyć, kali možna, a padumać ab tym, nakolki heta važna. I ŭziać adkaznaść na siabie», — davodzić Dziajkała.
Ekśpiert źviartaje ŭvahu na važnaść pry budučaj raspracoŭcy i pryniaćci damoŭlenaściaŭ ab vypłacie reparacyj abaviazkova prymać pad uvahu toj fakt, što hramadstva nie mahło paŭpłyvać na rašeńni orhanaŭ kiravańnia dziaržavaj, ale supraciŭlałasia hetamu rašeńniu i paciarpieła.
Hladzicie całkam:
Čytajcie taksama:
Čamu Biełaruś nielha ličyć akupavanaj? Tłumačyć juryst
Ukrainski palityk Siarhiej Prytuła vystaviŭ patrabavańnie da Cichanoŭskaj