Aŭstryja ŭžo 10 dzion nie atrymlivaje haz niepasredna ad «Hazprama», ale nie adčuvaje prablem. Rekordnyja abjomy elektryčnaści ad vietravych elektrastancyj i maksimalnaja za dziesiacihodździe hidrahienieracyja dazvolać kamunalnym słužbam Aŭstryi prapracavać raspačaty aciaplalny siezon ź minimalnymi patrebami ŭ hazie, piša The Moscow Times.
Paśpiachovaja admova Aŭstryi ad hazu moža stać prykładam dla susiednich krain, jakija mohuć skaracić kalektyŭnaje spažyvańnie hazu, kampiensavaŭšy straty elektraenierhii za košt pavieličeńnia jaje impartu ŭ ahulnajeŭrapiejskich sietkach — u tym liku z toj ža Aŭstryi, śćviardžaje Reuters.
Dla «Hazprama», jaki i tak užo straciŭ rynki Paŭnočnaj Jeŭropy, heta moža stać dadatkovym udaram. Choć u hetym hodzie patreby Aŭstryi ŭ hazie bolš čym na 80% zadavalnialisia za košt rasijskaha paliva, dola hazu ŭ sukupnaj elektrahienieracyi apuściłasia nižej za 6%, pavodle danych enierhietyčnaha analityčnaha centra Ember.
Miž tym, viecier davaŭ bolš elektryčnaści, čym haz, u 19 z 20 apošnich miesiacaŭ. Heta značyć, užo ŭ minułym aciaplalnym siezonie Aŭstryja ŭpieršyniu vyrabiła z dapamohaj vietru bolš elektraenierhii, čym z dapamohaj hazu.
Anałahičnaja situacyja nazirajecca i ŭ hetym siezonie, u tym liku dziakujučy raźvićciu vietravoj enierhietyki. U cełym jana za 10 miesiacaŭ hetaha hoda zabiaśpiečyła ŭ 2,5 razu bolš elektrahienieracyi, čym haz, a abjom vyrablenaj ź vietru elektryčnaści vyras na 18%.
Kali zimoj 2024/2025 hoda chutkaść vietru budzie adpaviadać siezonnaj tendencyi (u krainach Centralnaj i Paŭdniovaj Jeŭropy hetaja chutkaść dasiahaje piku jakraz u hety čas hoda), to vietrahienieracyja budzie pieravyšać hazavuju na praciahu ŭsioj zimy, što pryviadzie da źnižeńnia ahulnaha spažyvańnia hazu ŭ Aŭstryi ŭ taki važny dla krainy momant, adznačaje Reuters.
Akramia taho, bolš za 3000 hidraelektrastancyj u Aŭstryi vypracavali za 10 miesiacaŭ hetaha hoda na 17% bolš elektryčnaści, čym za anałahičny pieryjad minułaha. Mocnyja apadki ŭ kancy 2023 — pačatku 2024 hoda napoŭnili reziervuary da šmathadovych maksimumaŭ. Na dolu hidrahienieracyi sioleta prypała 68%, vietravoj — 13%, jašče 10% dała soniečnaja.
Dziejańni Aŭstryi mohuć stać prykładam dla susiednich krain, jakija taksama imknucca skaracić zaležnaść ad impartu hazu. Akramia taho, Čechija, Vienhryja, Šviejcaryja, Italija, Słavienija i Słavakija złučanyja z Aŭstryjaj mahutnymi elektrasietkami i mohuć skaracić spažyvańnie hazu za košt impartu jaje elektryčnaści.
Jeŭropa zapatrabavała ad «Hazprama» bolš za $20 miljardaŭ za niepastaŭleny haz
Hetyja elektrastancyi pryvodziacca ŭ dziejańnie za sto siekund
Ci zmohuć akijanskija chvali stać dla čałaviectva nievyčerpnaj krynicaj enierhii?
Vializnyja «piasčanyja batarei» — novaja technałohija dla zachoŭvańnia liškaŭ soniečnaj i vietranoj enierhii
Sioleta ŭ Jeŭrasajuzie pabityja rekordy vykarystańnia enierhii vietru i sonca
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary