Tramp papiaredziŭ CHAMAS pra «sapraŭdnaje piekła», kali nie buduć vyzvalenyja ŭsie zakładniki da suboty
Napiaredadni CHAMAS abvinavaciŭ Izrail u parušeńni pahadnieńnia i adkłaŭ dalejšaje vyzvaleńnie zakładnikaŭ.
CHAMAS pieradaŭ 8 lutaha čarhovych troch zakładnikaŭ Izrailu. Fota: AP Photo / Abdel Kareem Hana
Prezident ZŠA Donald Tramp zajaviŭ, što pahadnieńnie ab spynieńni ahniu pamiž Izrailem i CHAMAS pavinna być admieniena, kali ŭsie zakładniki, jakija ŭtrymlivajucca ŭ siektary Haza, nie buduć vyzvalenyja «da paŭdnia suboty», piša Associated Press.
Tramp adznačyŭ, što CHAMAS pavinien nieadkładna vyzvalić usich zakładnikaŭ.
«Kali ich nie budzie tut, pačniecca sapraŭdnaje piekła», — zajaviŭ jon.
U toj ža čas jon pryznaŭ, što kančatkovaje rašeńnie pa damovie zastajecca za Izrailem.
«Ja havaru za siabie. Izrail moža jaho admianić», — skazaŭ prezident ZŠA.
9 studzienia Izrail zajaviŭ pra ŭstupleńnie ŭ siłu režymu spynieńnia ahniu ŭ Hazie.
10 lutaha CHAMAS paviedamiŭ pra admienu zapłanavanaha na 15 lutaha vyzvaleńnia zakładnikaŭ. CHAMAS abvinavaciŭ Izrail u parušeńni pahadnieńnia ab spynieńni ahniu, u tym liku ŭ naniasieńni avijaŭdaraŭ pa paleścincam u siektary Haza.