Stała viadoma, jak padaražejuć impartnyja aŭto ŭ Biełarusi
Pra źmieny ŭ cenach na impartnyja aŭto raskazała pres-słužba Minprama.
Pavyšeńnie cenaŭ budzie minimalnym. Źmieny źviazanyja sa staŭkaj utylzboru, jakaja źmianiłasia z 1 studzienia.
Pamier utylzboru na novyja lehkavyja aŭtamabili, jakija ŭvoziacca ŭ Biełaruś dla asabistych patreb, nie źmianiŭsia. Zaraz jon składaje 544,5 rubloŭ.
Niaznačna pavysiłasia staŭka dla starejšych za 3 hady aŭto, jakija ŭvoziacca fizičnymi asobami. Z 816,7 rubloŭ — da 1089 rubloŭ.
Pavyšeńnie cenaŭ zakranie tolki tyja transpartnyja srodki, jakija vyrablajucca ŭ trecich krainach i pradajucca ŭ Biełarusi praz aficyjnyja dylerskija sietki zamiežnych vytvorcaŭ. Rost cenaŭ na biełaruskija i rasijskija aŭtamabili ŭ Minpramie nie pradbačać.
Jak adznačajuć u viedamstvie, pavieličeńnie stavak utylzboru źviazana z realizacyjaj uzhodnienaj palityki pamiž Rasijaj i Biełaruśsiu. Staŭki płanujuć zraŭniać z tymi, što dziejničajuć u Rasii z 1 studzienia 2025 hoda.
Pa mierkavańni čynoŭnikaŭ, heta «stymuluje pakupku transpartnych srodkaŭ, vyrablenych na terytoryi Sajuznaj dziaržavy».