Nastaŭnicu biełaruskaj movy ź Minska z 20-hadovym stažam sudziać za abrazu Łukašenki

U 2020-m Anžalika Alasiuk była ŭ vybarčaj kamisii.

Anžalika Alasiuk. Fota: minsknews.by

27 lutaha ŭ sudzie Frunzienskaha rajona Minska pačynajecca praces nad Anžalikaj Alasiuk. Žančynu abvinavačvajuć u abrazie Alaksandra Łukašenki (č. 1 art. 368 Kryminalnaha kodeksa).

Pakarańnie pa hetym artykule moža samaje roznaje — ad štrafu da kałonii na čatyry hady. Sudździa — Julija Bliźniuk.

U 2020-m hodzie Anžalika Alasiuk była ŭ vybarčaj kamisii na ŭčastku ŭ škole №49 Minska. U hetaj navučalnaj ustanovie jana pracavała nastaŭnicaj biełaruskaj movy i litaratury.

Ciapier žančyna pracuje vychavacielkaj daškolnaj adukacyi ŭ dziciačym sadku №527 Minska.

Staž jaje pracy ŭ piedahahičnaj śfiery — bolš za 20 hadoŭ, Alasiuk maje pieršuju kvalifikacyjnuju katehoryju.

Kamientary da artykuła