Były milicyjanier, jaki pracavaŭ dalnabojščykam, viarnuŭsia ŭ Biełaruś i atrymaŭ čatyry palityčnyja artykuły
Arcioma Licieviča sudziać užo ŭ druhi raz, i jon moža atrymać da 12 hadoŭ kałonii. Ale raskryć jahonuju asobu atrymałasia tolki ciapier.
Arciomu Licieviču 42 hady. Pa źviestkach prajekta Digital Intelligence Team, jon rodam z rasijskaj Čyty, naradziŭsia ŭ siamji vajskoŭca. Kali Arciom byŭ maleńkim, siamja pierajechała ŭ Babrujsk.
U 2003 hodzie jon pajšoŭ pracavać u milicyju. Paśla pastupiŭ u Mahiloŭski vyšejšy kaledž MUS. Ale ŭ 2008-m jaho zvolnili ŭ zvańni staršaha siaržanta za «parušeńnie ŭmovaŭ kantrakta».
Paśla pracavaŭ na šmat jakich pracach, u asnoŭnym — kiroŭcam. Vialikich prablem z zakonam jon nie mieŭ. U Arcioma jość žonka.
Licievič pracavaŭ dalnabojščykam. Viadoma, što jaho zatrymali paśla viartańnia ŭ Biełaruś. Pa źviestkach prajekta Dissidentby, jaho źvinavacili ŭ napisańni kamientaroŭ.
Sud nad Licievičam adbyŭsia 24 kastryčnika 2024 hoda. Tady jaho abvinavacili va ŭdziele ŭ pratestach i «zaklikaŭ da naniasieńnia škody Biełarusi» (č. 3 art. 361 KK). Jamu mahli prysudzić da 12 hadoŭ kałonii. Prysud nieviadomy, ale ŭ śniežni 2024 hoda jon ustupiŭ u siłu.
31 studzienia 2025 hodzie nad im pačniecca novy praces u Minskim haradskim sudzie. Licieviča abvinavačvajuć jašče pa dvuch artykułach — «udzieł u ekstremisckim farmiravańni» (č. 3 art. 361-1 KK) i «abraza pradstaŭnika ŭłady» (art. 369 KK).
«Naša Niva» — bastyjon biełaruščyny
PADTRYMAĆ
Šrajbman z kalehami prapanavali pakrokavy płan deeskałacyi adnosin Biełarusi i ES53
Kamientary