Dvuch rasijan asudzili ŭ Polščy za špijanaž i viarboŭku ŭ PVK «Vahnier»
Sud u Krakavie vynies rašeńnie 14 lutaha 2025 hoda. Prakuror zapatrabavaŭ dla abvinavačanych 8 hadoŭ pazbaŭleńnia voli, ale sud pryznačyŭ mienšy termin — pa 5,5 hadoŭ. Akramia taho, rasijanie Andrej H. i Alaksiej T. pavinny vypłacić pa 30 tysiač złotych u Fond dapamohi paciarpiełym, piša Polskaje pres-ahienctva.
Zdymak ilustracyjny. Fota: polskieradio24.pl
Mužčyn zatrymali ŭ žniŭni 2023 hoda ŭ Varšavie. Ich abvinavacili ŭ tym, što jany rasklejvali ŭ Krakavie i Varšavie sotni ŭlotak, jakija zaklikali dałučacca da PVK «Vahnier». Prakuratura zajaviła, što heta było viarboŭkaj najmitaŭ i elemientam hibrydnaj vajny na karyść rasijskaj raźviedki.
Abvinavačanyja nie pryznali svajoj viny, choć i nie admaŭlali, što rasklejvali ŭlotki. Abarona nastojvała na ich nievinavataści, nazyvajučy heta «banalnym zdareńniem» biez namieru ŭdzielničać u viarboŭcy.
Advakaty mohuć abskardzić prysud.
Čytajcie taksama:
U Polščy abviaścili ŭ vyšuk biełaruskuju špijonku
Jak za biełaruskimi apazicyjanierami špijoniła madel Onlifans