Pažar na Čarnobylskaj AES dahetul nie patušyli
Uzharańnie na Čarnobylskaj atamnaj elektrastancyi, jakoje ŭźnikła paśla traplańnia ŭ jaje drona, całkam dahetul nie likvidavana. Pa stanie na 13:00 zachoŭvajucca try ačahi tleńnia, paviedamlaje Dziaržaŭnaje ahienctva Ukrainy pa kiravańni zonaj adčužeńnia.
Skrynšot ź videa
«Zafiksavana try ačahi tleńnia. Dla ich tušeńnia i častkovaha ŭskryćcia kanstrukcyj schovišča pracujuć try hrupy vyšyńnikaŭ (pa čatyry čałavieki ŭ kožnaj). Zroblenyja 22 adtuliny, ahulnaja płošča ŭskryćcia — kala 2 kv. m. Prakładzienyja pracoŭnyja linii na piać stvałoŭ. Da likvidacyi nastupstvaŭ pryciahnutyja ratavalniki DSNS», — havorycca ŭ paviedamleńni.
14 lutaha rasijskija vojski ŭdaryli dronam pa sarkafahu 4-ha enierhabłoka ČAES. U vyniku ŭdaru schovišča było paškodžanaje, na im uźnik pažar.
Čytajcie taksama:
MAHATE vystupiła z zajavaju nakont situacyi kala ČAES paśla ŭdaru dronam
Rasijski dron atakavaŭ i prabiŭ sarkafah nad Čarnobylskaj AES