U Minsku adkryŭsia abnoŭleny restaran na 22-m paviersie hatela «Biełaruś»

Restaran «Panarama», raźmieščany ŭ centry Minska na 22-m paviersie hatela «Biełaruś», adkryŭsia 17 lutaha 2025 hoda paśla maštabnaj renavacyi. Adpaviednaja infarmacyja źjaviłasia ŭ aficyjnym telehram-kanale Respublikanskaha sajuza turystyčnaj industryi.

Fota: t.me/rsti_by

Adznačajecca, što «Panarama» abnaviła i interjer, i kancepcyju, i mieniu, niaźmiennym zastałosia tolki adno — nievierahodny vid na Minsk z vyšyni ptušynaha palotu.

Fota: t.me/rsti_by

Što tyčycca ŭłasna interjeru restarana, to akcent zrobleny na biełaruskuju kulturu praz karciny miascovych mastakoŭ. Na ścienach — repradukcyi rabot takich tvorcaŭ, jak Apalinaryj Haraŭski, Vitold Białynicki-Birula, Uładzimir Kudrevič i inšyja. Ličbavyja kopii dla ich daŭ Nacyjanalny mastacki muziej. U barnaj zonie značnym elemientam staŭ frahmient hraviury Napaleona Ordy.

Fota: t.me/rsti_by

Abnoŭlena taksama i mieniu: źjavilisia aŭtarskija viersii tradycyjnych biełaruskich receptaŭ, jość tam i novyja pazicyi — fiermierskija syry, račnaja ryba. Paciešać haściej i tradycyjnyja bulbianyja stravy. 

Fota: t.me/rsti_by

Barnaja karta ŭklučaje nastojki na biełaruskich jahadach, chrenavuchu, samahonku i viny.

Kamientary da artykuła