BIEŁ Ł RUS

Tramp i Pucin mohuć sustrecca ŭžo na nastupnym tydni

18.02.2025 / 14:51

Nashaniva.com

Sustreča Pucina i Trampa moža adbycca ŭ Saudaŭskaj Aravii ŭžo na nastupnym tydni, jaje praviadzieńnie delehacyi dźviuch krain mohuć uzhadnić siońnia, piša Bloomberg.

Uładzimir Pucin i Donald Tramp na samicie ŭ Osacy (Japonija) u 2019 hodzie. Fota: Susan Walsh / AP

Pra heta było siońnia zajaŭlena ŭ Er-Ryjadzie.

Nahadajem, što siońnia ŭ Er-Ryjadzie sustrakajucca dziaržsakratar ZŠA Marka Rubia i ministr zamiežnych spraŭ Rasii Siarhiej Łaŭroŭ.

Razam z tym pamočnik Pucina Juryj Ušakoŭ skazaŭ, što sustreča prezidentaŭ RF i ZŠA naŭrad ci adbudziecca na nastupnym tydni, ale asobnyja kamandy pierahavorščykaŭ Rasii i ZŠA pačnuć kantakty pa Ukrainie ŭ svoj čas, zajaviŭ Ušakoŭ.

Namieśnik kiraŭnika MZS RF Alaksandr Hruško — pra pieramovy ŭ Er-Ryjadzie prakamientavaŭ siońniašnija pieramovy: «My viedajem pazicyju Trampa [pa Ukrainie]. Siońnia jana budzie vykładziena ŭ detalach našym pradstaŭnikam, pryznačanym prezidentam Rasii».

«Siońnia krainy ES i jeŭrapiejcy patrabujuć niejkim čynam miesca za stałom pieramoŭ pa ŭrehulavańni ŭkrainskaha kanfliktu. Heta prosta dzivić, bo ciaham mnohich hadoŭ jany ŭžo za hetym stałom znachodzilisia. Uvieś sens jeŭrapiejskaj palityki zaklučaŭsia ŭ tym, kab nie dazvolić kanfliktu zaviaršycca z prymianieńniem palityka-dypłamatyčnych srodkaŭ, a praciahvać jaho da poŭnaj pieramohi nad Rasijaj», — dadaŭ jon.

Čytajcie taksama:

Kamientary da artykuła