Kreml: Pucin hatovy da pieramovaŭ ź Zialenskim
Ale pa słovach pres-sakratara kiraŭnika Rasii Dźmitryja Piaskova, Uładzimir Pucin hatovy vieści pieramovy z Uładzimiram Zialenskim z ulikam aśpiektu jahonaj lehitymnaści.
Fota: Artem Priakhin / SOPA Images / LightRocket via Getty Images
Uładzimir Pucin hatovy vieści pieramovy z prezidentam Ukrainy Uładzimiram Zialenskim, zajaviŭ pres-sakratar Kramla Dźmitryj Piaskoŭ. Razam z tym važna ŭličvać jurydyčnyja aśpiekty, źviazanyja ź lehitymnaściu Zialenskaha na pasadzie kiraŭnika ŭkrainskaj dziaržavy, ukazaŭ Piaskoŭ, adkazvajučy na pytańni žurnalistaŭ u aŭtorak, 18 lutaha, piša Deutsche Welle.
«Pucin sam nieadnarazova kazaŭ, što pry nieabchodnaści jon budzie hatovy vieści pieramovy i ź Zialenskim. Razam z tym, jurydyčnaja fiksacyja damoŭlenaściaŭ padlahaje surjoznamu abmierkavańniu z ulikam realnaści, jakaja havoryć ab mahčymaści asprečvać lehitymnaść samoha Zialenskaha», — skazaŭ jon.
U toj ža dzień u Saudaŭskaj Arabii prajšła pieršaja za doŭhi čas aficyjnaja sustreča pradstaŭnikoŭ ZŠA i Rasii. U liku inšaha kiraŭniki źniešniepalityčnych viedamstvaŭ dźviuch krain Marka Rubia i Siarhiej Łaŭroŭ majuć namier abmierkavać spynieńnie vajny RF suprać Ukrainy. Ukraina i Jeŭropa ŭ pieramovach nie ŭdzielničali.
Čytajcie taksama:
Tramp i Pucin mohuć sustrecca ŭžo na nastupnym tydni
ES moža vydzielić Ukrainie vielizarny pakiet dapamohi —700 miljardaŭ jeŭra