ES moža vydzielić Ukrainie vielizarny pakiet dapamohi —700 miljardaŭ jeŭra
ES rychtuje biesprecedentny šmatmiljardny pakiet dapamohi na zakupku vajskovaj techniki dla Ukrainy, piša UNIAN.
Ministarka zamiežnych spraŭ Hiermanii Analena Bierbak raskazała pra jahony maštab, zajaviŭšy, što suma moža skłaści kala 700 miljardaŭ jeŭra.
«My zapuścim vialiki pakiet, jakoha nikoli raniej nie było ŭ takim maštabie», — skazała Bierbak u kułuarach Miunchienskaj sustrečy.
Novy pakiet na sotni miljardaŭ jeŭra moža być prafinansavany za košt ahulnaha doŭhu krain — členaŭ ES, miechanizmu, jaki ŭžo vykarystoŭvali padčas pandemii karanavirusa.
«Jak u vypadku ź jeŭra ci kryzisam COVID-19, ciapier budzie finansavy pakiet dla harantavańnia biaśpieki ŭ Jeŭropie. Heta adbudziecca ŭ najbližejšaj budučyni», — rastłumačyła dypłamat.
Jana padkreśliła, što mir va Ukrainie mahčymy tolki praź siłu:
«Dla hetaha nieabchodnyja žorstkija i doŭhaterminovyja harantyi biaśpieki dla Ukrainy, mocny błok NATA i prahres u pieramovach pra dałučeńnie Ukrainy da Jeŭrapiejskaha sajuza. Jak jeŭrapiejcy, jak niemcy, my ćviorda staim na baku Ukrainy — nadajučy vajskovuju, humanitarnuju i finansavuju padtrymku».
Bierbak nahadała, što z momantu poŭnamaštabnaha rasijskaha ŭvarvańnia krainy Jeŭropy padtrymali Ukrainu na ahulnuju sumu bolš za 134 miljardy jeŭra, pryčym adna tolki Hiermanija — amal na 44 miljardy jeŭra.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom12
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary
Hrošy pavinny zastacca u eŭraźviazie ci u Paŭdzionnaj Karei Japonii Ni $€£¥..Trampu jaho sponsaram vybarcam.
poka s tiem, čto diejstvitielno za 3 hoda mohło by połnosťju słomať chod vojny v Ukrainu postavleno ili niebyło, ili postavleno v štučnych ekziemplarach, ili nie davałoś razriešienije ispolzovať.