Załužny nie staŭ adkazvać na pytańnie ab udziele ŭ prezidenckich vybarach
Były hałoŭnakamandujučy Uzbrojenymi siłami Ukrainy i pasoł krainy ŭ Vialikabrytanii Valeryj Załužny syšoŭ ad adkazu na pytańnie pra svoj mahčymy ŭdzieł u budučych prezidenckich vybarach. Jon nazvaŭ hetaje pytańnie «niedarečnym».
Fota: Alberto Pezzali / AP
«Nastupiać adpaviednyja ŭmovy, i tady ja, jak čałaviek, jaki zajmaje dziaržaŭnuju pasadu, zmahu adkazvać na takija pytańni», — pieradaje słovy Załužnaha ŭkrainskaje vydańnie «Strana».
Prezident Ukrainy Uładzimir Zialenski pieramoh na prezidenckich vybarach u 2019 hodzie. Nastupnyja vybary pavinny byli adbycca 31 sakavika 2024 hoda, ale ich nie pryznačyli z-za ŭviedzienaha ŭ krainie vajennaha stanovišča, jakoje ŭkrainskija ŭłady praciahvajuć kožnyja try miesiacy ź lutaha 2022 hoda.
Załužny zajmaŭ pasadu hałoŭnakamandujučaha USU da lutaha 2024 hoda.