Biełarusaŭ u Polščy zatrymali za pracu ŭ padpolnych drukarniach
Polskaja palicyja spyniła dziejnaść złačynnaj hrupoŭki, jakaja zajmałasia padrobkaj dakumientaŭ. Pa hetaj spravie zatrymanyja 42 čałavieki — biełarusy i ŭkraincy, piša pres-słužba polskaj pamiežnaj słužby.
Rasśledavańnie spravy pačałosia ŭ 2020 hodzie, padstavaj staŭ niaznačny epizod na miažy ŭ Padkarpackim vajavodstvie. Tam inšaziemiec pakazaŭ palicyi padroblenyja pravy kiroŭcy.
Akazałasia, što pravy byli vyrablenyja hrupaj biełarusaŭ i ŭkraincaŭ. Jany padrablali pašparty, vizy, dazvoły na žycharstva, strachavyja dakumienty, pracoŭnyja damovy i inšyja dakumienty.
Palicyja vyjaviła try padpolnyja drukarni — dźvie ŭ Katavicach i adnu ŭ Hdańsku. Dakumienty raspaŭsiudžvalisia pa terytoryi Polščy i Jeŭrasajuza.
Zadačy ŭnutry hrupoŭki byli padzielenyja — niekatoryja zajmalisia vyrabam padroblenych dakumientaŭ, inšyja adkryvali rachunki i vykonvali zadańni, źviazanyja ź pieravodami hrošaj za «pasłuhi».
U vyniku rasśledavańnia byli kanfiskavanyja bolš za 12 tysiač padroblenych dakumientaŭ, a taksama prybytak ad padroblenych dakumientaŭ — kala 1 młn złotych (bolš za 250 tysiač dalaraŭ).
Vaśmiarych z 42 zatrymanych da suda źmiaścili pad vartu.
Čytajcie taksama:
Dvuch rasijan asudzili ŭ Polščy za špijanaž i viarboŭku ŭ PVK «Vahnier»
Biełaruskaha bajca MMA ŭ Polščy abvinavačvajuć u źbićci. Jamu pahražaje da 20 hadoŭ
Biełarusa ŭ Polščy zatrymali za kradziež pasyłak z prysmakami i elektronikaj