Rasijanin vioz u Biełaruś karciny nibyta za 800 jeŭra. Vyśvietliłasia, što jany kaštujuć u 25 razoŭ bolš
Hramadzianin Rasii sprabavaŭ uvieźci ŭ Biełaruś darahija karciny biez dekłaracyi. Ale mytniki niešta zapadozryli.
Fota: Mytny kamitet
Rasijanin jechaŭ u Biełaruś ź Litvy praz punkt propusku «Kamienny Łoh». U dekłaracyi jon paznačyŭ časovy ŭvoz jahonaha aŭtamabila i dźvie karciny. Mužčyna śćviardžaŭ, što nabyŭ ich u Litvie za 800 jeŭra.
Košt karcin źbiantežyŭ mytnikaŭ. Dadatkovaja pravierka pakazała, što karciny kaštujuć u 25 razoŭ bolš — 19 tysiač jeŭra.
Zhodna z fatahrafijami, jakija apublikavaŭ Mytny kamitet, adna z karcin — heta «Siadziba» rasijskaha mastaka kanca XIX — pieršaj pałovy XX stahodździa Siarhieja Vinahradava. Na adnym z aŭkcyjonaŭ takaja karcina aceńvałasia ad 10 da 15 tysiač jeŭra.
Na hramadzianina Rasii skłali administracyjny pratakoł. Jon zapłacić štraf u pamiery da 30% koštu karcin.
Čytajcie taksama:
Biełarus sprabavaŭ uvieźci ŭ Rasiju hašyšu amal na 4 miljony jeŭra
U Litvie zatrymali bujnuju partyju kantrabandnych biełaruskich cyharet
Kropka ŭ spravie ź pitonami. U Breście sudzili kiroŭcu aŭtobusa, jaki vaziŭ u Biełaruś źmiej