U Pieršym nacyjanalnym handlovym centry adčyniŭsia adździeł MREA DAI
Ź siońniašniaha dnia pačaŭ pracu filijał MREA (Mižrajonny ekzamienacyjny adździeł) DAI. Jon raźmieščany ŭ «Pieršym nacyjanalnym handlovym domie» pa praśpiekcie Niezaležnaści, 134 u Minsku, paviedamlaje DAI.
Tut buduć vykonvacca nastupnyja pracedury:
- pastanoŭka transpartnaha srodku na ŭlik abo jaho źniaćcie, uniasieńnie źmianieńniaŭ u rehistracyjnyja dadzienyja;
- abmien paśviedčańniaŭ kiroŭcaŭ.
Kab trapić u MREA, treba zajechać na piaty pavierch šmatuzroŭnievaha parkinha (vyšynia aŭto nie pavinna pieravyšać 1,8 m). Pieršyja dźvie hadziny stajanki — biaspłatnyja.
Paśla prachodžańnia pracedury mašynu možna pryparkavać na lubym uzroŭni parkinha, zatym nieabchodna spuścicca na cokalny pavierch HC u adździaleńnie.