U Stambule skončylisia pieramovy Rasii i ZŠA
Sustreča doŭžyłasia 6,5 hadzin, ale rasijskaja delehacyja źjechała ź miesca pieramoŭ biez kamientaryjaŭ, piša TASS.
Amierykanskaja i rasijskaja delehacyi na papiarednim raŭndzie pieramoŭ u Er-Ryjadzie (Saudaŭskaja Aravija). Fota: MZS Rasii
Padrabiaznaści pieramoŭ pamiž ZŠA i Rasijaj pakul nieviadomy.
Delehacyi nie sustrakalisia z presaj.
Pra zapłanavanuju sustreču pradstaŭnikoŭ Rasii i ZŠA stała viadoma 26 lutaha. Paviedamlałasia, što abmiarkoŭvacca buduć dvuchbakovyja adnosiny dźviuch krain, uklučajučy naładžvańnie pracy ambasadaŭ.
Raniej kiraŭnik Dziarždepartamenta ZŠA Marka Rubia paviedamlaŭ, što ZŠA i Rasija damovilisia ab adnaŭleńni štatu ambasadaŭ u Maskvie i Vašynhtonie. Ciapier ambasady pracujuć u abmiežavanym režymie, a ŭsie amierykanskija konsulstvy ŭ Rasii prypynili pracu paśla sieryj uzajemnych vysyłak dypłamataŭ.