U biełaruskaha dalnabojščyka ŭ Polščy kanfiskavali bolš za 7 miljonaŭ cyharet
U Polščy na miažy z Hiermanijaj pamiežniki spynili dla pravierki furu, za rulom jakoj byŭ 29-hadovy biełarus. Ahledzieŭšy pryčep, jany vyjavili ŭ im bolš za 7 młn nielehalna vyrablenych cyharet rynkavym koštam kala 8 miljonaŭ złotych (kala 2 miljonaŭ dalaraŭ), piša Most.
Padčas dalejšaha rasśledavańnia polskija pravaachoŭniki praviali pieratrusy niekalkich abjektaŭ nieruchomaści. Tam jany vyjavili pryłady i abstalavańnie dla nielehalnaj vytvorčaści tytuniovych vyrabaŭ: zdrabnialnik tytuniu, baraban dla pierapracoŭki tytuniovaha liścia, a taksama kamplektujučyja dla vytvorčaści cyharet. Akramia taho, jany kanfiskavali amal 11 ton tytuniu i pustyja pački z brendami viadomych tytuniovych kampanij.
Pavodle papiarednich raźlikaŭ, kali b nielehalny tavar pastupiŭ u prodaž, polski biudžet niedaatrymaŭ by bolš čym 20 miljonaŭ złotych (kala 5 miljonaŭ dalaraŭ).
Biełarusu vystavili abvinavačvańni, jaho aryštavali terminam na try miesiacy. Ciapier śledstva vyśviatlaje jahonuju mahčymuju suviaź z arhanizavanaj złačynnaj hrupaj, jakaja zajmajecca cieniavoj vytvorčaściu i raspaŭsiudžvańniem cyharet.
Kali padazreńni paćvierdziacca, mužčynu moža pahražać da vaśmi hadoŭ pazbaŭleńnia voli.
Čytajcie taksama:
U Litvie cyharetnych kantrabandystaŭ zatrymlivali z pahoniaj i stralaninaj
U Polščy mieteazond z cyharetami ź Biełarusi prabiŭ dach doma
U Kłajpiedzie zatrymali biełarusa z cyharetami na 2 miljony jeŭra