Biełaruski startap zrabiŭ rasijska-biełaruski pierakładčyk. Pa jakaści jon nie sastupaje ChatGPT i maje adkryty kod
Pa jakaści pierakładu moŭnaja madel ad kampanii Lingvanex nie sastupaje viadučym AI-dapamožnikam. Kožny moža zapuścić jaho na ŭłasnym sierviery — kampanija vykłała moŭnuju madel u adkryty dostup.
Ilustracyjnaja vyjava. Fota: Mohamed Hassan/pxhere.com
Startap Lingvanex śpiecyjalizujecca na mašynnym pierakładzie dla kampanij. Jany prapanujuć šerah rašeńniaŭ — naprykład, pierakładčyk dla bujnych kampanij, jaki pracuje na ŭnutranaj infrastruktury abo rašeńni dla kryminalistyki.
Niadaŭna jany vykłali ŭ adkryty dostup svaju moŭnuju madel pierakładčyka z ruskaj na biełaruskuju movu — jana zusim nievialikaje (120 miehabajt) i pracuje vielmi chutka. Prateściravać jakaść pierakładu možna na ich sajcie.
My paraŭnali jakaść pierakładu na biełaruskuju z dapamohaj ałharytma BLEU (bilingual evaluation understudy) ad ChatGPT i madeli Lingvanex. Va ŭsich vypadkach apošniaja pieramahła, choć i z adnosna nievialikim adryvam.
Vyniki adnaho z testaŭ madeli Lingvanex (źleva) i ChatGPT. Skrynšot z sajta tilde.ai
Cikava i toje, što madel Lingvanex apublikavanaja pad licenzijaj MIT. Heta značyć, kožny moža brać hety kod i vykarystoŭvać jaho navat u kamiercyjnych praduktach, ukazvajučy aŭtarstva madeli.
Čytajcie taksama:
Anthropic vypuściła novuju hibrydnuju madel štučnaha intelektu z razvahami