Tramp i Zialenski pasvarylisia ŭ žyvym efiry
Sustreča Uładzimira Zialenskaha i Donalda Trampa ŭ Biełym domie pierarasła ŭ svarku na padvyšanych tanach. Tramp skazaŭ Zialenskamu, što Ukraina nie ŭdziačnaja za dapamohu.
Uładzimr Zialenski z Donaldam Trampam u Biełym domie 28 lutaha. Fota: Andrew Harnik / Getty Images
«Vy nie majecie prava dyktavać nam toje, što my budziem adčuvać. My na miažy Treciaj suśvietnaj vajny, vy nie pavažajecie ZŠA», — zajaviŭ Tramp Zialenskamu paśla taho, jak ukrainski prezident skazaŭ, što z 2014 hoda nichto nie spyniŭ Rasiju.
«Jon akupavaŭ u 2014 hodzie Krym. Jon z 2014 hoda akupavaŭ terytoryi da 2022 hoda. Nichto jaho nie spyniaŭ. Ja navat padpisaŭ pahadnieńnie ź im, i Makron, i Mierkiel paćvierdzili, što budzie spynieńnie ahniu i nichto dalej nie pojdzie. A Pucin sarvaŭ heta pahadnieńnie. Pra jakuju dypłamatyju vy kažacie? Jakaja tut moža być dypłamatyja?», — skazaŭ Zialenski ŭ adkaz na słovy vice-prezidenta Vensa, što Tramp zajmajecca dypłamatyjaj.
Vice-prezident ZŠA spytaŭ u Zialenskaha, ci ličyć jon pavažlivym «prychodzić u Avalny kabiniet ZŠA i napadać na administracyju, jakaja sprabuje praduchilić razbureńnie vašaj krainy».
«Vy pavinny być udziačnyja, u vas niama kart na rukach, u vas skončvajucca vajskoŭcy», — skazaŭ Tramp, nastojvajučy na nieabchodnaści spynieńnia ahniu.
Na što Zialenski zajaviŭ, što jon nie ŭ karty pryjechaŭ hulać.
Tramp ličyć, što biez amierykanskaj zbroi i techniki «vajna skončyłasia b za dva tydni». Zialenski adkazaŭ, što «ad Pucina čuŭ pra try dni, ciapier užo dva tydni».
Naprykancy Tramp dadaŭ: «Heta budzie vydatnaje šou dla telebačańnia».