Rasijanie pravodziać antyvajenny marš u centry Bierlina z rasijskimi trykałorami FOTA
Arhanizujuć akcyju palityki Illa Jašyn, Uładzimir Kara-Murza i Julija Navalnaja. Značnuju častku kałony składajuć pradstaŭniki «Ruskaha dobraachvotnickaha korpusa, jaki vajuje va Ukrainie na baku USU, paviedamlaje «Echo».
Fota: «Echo»
Raniej zasnavalnik Ruskaha dobraachvotnickaha korpusa Dzianis Nikicin pahražaŭ ludziam, jakija chočuć pryjści na akcyju z rasijskimi trykałorami. Siońnia Nikicin skazaŭ žurnalistam, što płanuje padyści da ich i «abmierkavać pytańnie hieraldyki».
Jak adznačajuć inšyja ŭdzielniki akcyi, hety simvał nibyta nie maje ničoha ahulnaha z vajnoj, jakuju raźviazaŭ Pucin.
Fota: «Echo»
Pavodle acenak, u mierapryjemstvie brali ŭdzieł kala paŭtary tysiačy čałaviek. Prysutnyja skandavali: «Rasija biez Pucina», «Svabodu palitviaźniam», «Abmien usich na ŭsich» i «Rasija budzie ščaślivaj» — łozunh, prapanavany Alaksiejem Navalnym.