Расіяне праводзяць антываенны марш у цэнтры Берліна з расійскімі трыкалорамі ФОТА
Арганізуюць акцыю палітыкі Ілля Яшын, Уладзімір Кара-Мурза і Юлія Навальная. Значную частку калоны складаюць прадстаўнікі «Рускага добраахвотніцкага корпуса, які ваюе ва Украіне на баку УСУ, паведамляе «Эхо».
Фота: «Эхо»
Раней заснавальнік Рускага добраахвотніцкага корпуса Дзяніс Нікіцін пагражаў людзям, якія хочуць прыйсці на акцыю з расійскімі трыкалорамі. Сёння Нікіцін сказаў журналістам, што плануе падысці да іх і «абмеркаваць пытанне геральдыкі».
Як адзначаюць іншыя ўдзельнікі акцыі, гэты сімвал нібыта не мае нічога агульнага з вайной, якую развязаў Пуцін.
Фота: «Эхо»
Паводле ацэнак, у мерапрыемстве бралі ўдзел каля паўтары тысячы чалавек. Прысутныя скандавалі: «Расія без Пуціна», «Свабоду палітвязням», «Абмен усіх на ўсіх» і «Расія будзе шчаслівай» — лозунг, прапанаваны Аляксеем Навальным.
Чытайце таксама:
Pet Shop Boys выпусцілі песню ў памяць Аляксея Навальнага. Яна спяваецца на манер расійскага гімна
Лідары расійскай апазіцыі выступілі з артыкулам, які важны і для беларусаў