MAZ pabuduje novy zavod u rasijskaj Ufie
Minski aŭtazavod i Ufimski tramvajna-tralejbusny zavod (UTZ) zarehistravali sumiesnaje pradpryjemstva. Jano zojmiecca stvareńniem novaj vytvorčaści tralejbusaŭ na terytoryi asablivaj ekanamičnaj zony «Ałha» niedaloka ad stalicy Baškartastana, paviedamlaje TASS.
Zdymak ilustracyjny. Fota: gruzovikpress.ru
Inviestycyi ŭ hety prajekt aceńvajucca ŭ 1,6 miljarda rasijskich rubloŭ (prykładna 18 miljonaŭ dalaraŭ). Na novaj placoŭcy płanujecca zborka, a taksama łakalizacyja vypusku niekatorych kamplektujučych.
MAZ i UTZ supracoŭničajuć užo daŭno. Z 2023 hoda na placoŭcy Ufimskaha zavoda pa partniorskim pahadnieńni vypuščana bolš za 700 biełaruska-rasijskich tralejbusaŭ. Heta dazvoliła UTZ zaniać 40% rasijskaha rynku novych tralejbusaŭ.
Pa słovach hiendyrektara MAZa Valeryja Ivankoviča, ciapier partniory majuć namier zasiarodzicca na raźvićci novaj vytvorčaj placoŭki, łakalizacyi i stvareńni servisnaha centra.
Čytajcie taksama:
U Minsku źjavilisia tralejbusy treciaha pakaleńnia