U mai 2024 hoda na rasijskim rynku było pradadziena ŭsiaho 8 novych aŭtobusaŭ Minskaha aŭtamabilnaha zavoda — u 19,9 razy mienš, čym u tym ža miesiacy 2023-ha (159), vynikaje sa źviestak rasijskaha ahienctva «ASM-chołdynh», zaŭvažyŭ «Pozirk».
Za piać miesiacaŭ 2024 hoda usiaho na rasijskim rynku realizavana 280 adzinak aŭtobusaŭ MAZ. U minułym hodzie hety pakazčyk byŭ roŭny 522, tamu padzieńnie ŭzroŭniu prodažaŭ u hadavym vyražeńni skłała 46,7%.
Za 2023 hod biełaruskim pradpryjemstvam było realizavana 925 adzinak hetaha vidu transpartu — na 11,1% mienš, čym u 2022-m (1040).
Miž tym Alaksandr Łukašenka 9 krasavika na naradzie pa raźvićci pramysłovaści aryjentavaŭ padnačalenych na zusim inšyja pakazčyki:
«Usie čuli, u štohadovym pasłańni prezident Rasii anansavaŭ, što da 2030 hoda subjekty fiederacyi pavinny atrymać kala 40 tys. aŭtobusaŭ, tralejbusaŭ, tramvajaŭ, elektrobusaŭ. Hrošy na heta vydzielenyja. Zadača biełaruskaj pramysłovaści — padklučycca i zabiaśpiečyć nie mienš za 30% patrebnych abjomaŭ».
Praŭda, razam z tym jon adznačyŭ, što «ajčynnaja pradukcyja sastupaje anałaham jak pa canie, tak i pa jakaści».
Apošnim časam paviedamleńni pra toje, što štości ź biełaruskaj techniki ŭ roznych rasijskich haradach zaharełasia ci sapsavałasia niejkim inšym čynam, nastolki častyja, što stali ŭžo budzionnaściu.
Ciapier čytajuć
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym88
Kamientary
hoda subjekty fiederacyi pavinny atrymać kala 40 tys. aŭtobusaŭ,
tralejbusaŭ, tramvajaŭ, elektrobusaŭ. Hrošy na heta vydzielenyja. Zadača biełaruskaj pramysłovaści — padklučycca i zabiaśpiečyć nie mienš za 30% patrebnych abjomaŭ
Adziny chłus sprabuje niešta płanavać na padstavie papulisckich vykazvańniaŭ inšaha chłusa. Pucinu zaraz da lampački stan kamunalnaj infrastruktury Rasiei - jamu patrebnaja zbroja, jakaja aktyŭna vybyvaje na froncie. Tym bolš ŭ Rasiei chapaje svaich vytvorcaŭ aŭtobusaŭ, u dadatak Kitaj aktyŭna pravodzić na rasiejskim rynku svaju handlovuju ekspansiju. I ničoha Pucin z hetym zrabić nia moža, bo jahony VPK krytyčna zaležyć ad kitajskich kamplektujučych. Sukupnaść pieraličanych faktaraŭ nie pakidaje šansaŭ dla biełaruskich vytvorcaŭ, jakich palityka Łukašenki krytyčna zaviazała na rasiejskim rynku. Adzinaje, čym łukašenka moža zacikavić pucina - heta pierapracoŭka ŭ paliva dla vajennaj techniki rasiejskaj nafty i pastaŭki zbroi, vajennaj techniki albo kamplektujučych dla rasiejskaj vajennaj techniki. Ale suprać pieršaha niepaźbiežnyja udary dronaŭ pa naftaprovadach u Biełaruś na terytoryi Rasiei, a suprać astatniaha - dyviersii niepasredna na pradpryjemstvach biełaruskaha VPK.