Rabočaja partyja Kurdystana abjaviła ab spynieńni ahniu z Turcyjaj
Pra rašeńnie kurdskaj arhanizacyi paviedamlaje tureckaje vydańnie Hurriyet sa spasyłkaj na zajavu vykanaŭčaha kamiteta Rabočaj partyi Kurdystana.
Kurdskaja žančyna razmachvaje ściahami Partyi demakratyčnych rehijonaŭ (DBP) i Ruchu svabodnych žančyn (TJA), słuchajučy zaklik lidara Rabočaj partyi Kurdystana Abdułły Adžałana skłaści zbroju na płoščy ŭ nieaficyjnaj stalicy Paŭnočnaha Kurdystana horadzie Dyjarbakyr. Fota: Mehmet Masum Suer/SOPA Images/LightRocket via Getty Images
Abjaŭlenaje pieramirje ŭstupaje ŭ siłu ź siońniašniaj ranicy. Jaho dziejańnie budzie doŭžycca da taho času, pakul na partyju nie budzie ździejśnieny napad z boku Ankary.
27 lutaha lidar hetaj radykalnaj kurdskaj partyi Abduła Adžałan, jaki ŭžo bolš za čverć stahodździa znachodzicca ŭ tureckaj turmie, zaklikaŭ svaich prychilnikaŭ skłaści zbroju i spynić dziejnaść. Jon taksama źviarnuŭsia da kiraŭnictva Turcyi z zaklikam «prajavić pavahu da etničnych mienšaściaŭ, svabody vykazvańnia mierkavańniaŭ i prava na demakratyčnuju samaarhanizacyju».
Rabočaja partyja Kurdystana zaniesienaja ŭ śpis terarystyčnych arhanizacyj u Turcyi, u Jeŭrapiejskim Sajuzie i ZŠA. Z 1984 hoda arhanizacyja viadzie bajavyja dziejańni z Turcyjaj, patrabujučy stvareńnia aŭtanomii dla kurdaŭ.
Čytajcie taksama:
Pažyćciova źniavoleny kiraŭnik Rabočaj partyi Kurdystana zaklikaŭ paplečnikaŭ skłaści zbroju
Narod pad bieła-čyrvona-biełym ściaham, jaki niadaŭna pieražyŭ hienacyd. Chto takija jezidy?
Błohier Blišč raskazaŭ, jak nie zmoh patrapić u Saudaŭskuju Araviju, Aman i Kurdystan