U Minsku i Hrodnie pačali budaŭnictva novych kaściołaŭ, a ŭ Pinsku ramantujuć stary
U minskim Sucharavie i hrodzienskich Hrandzičach pačałosia ŭźviadzieńnie novych katalickich chramaŭ, a ŭ Pinsku staradaŭniuju katedru ramantujuć alpinisty, piša Katolik.life.
U mikrarajonie Sucharava ŭ Minsku 1 sakavika pačalisia ziamielnyja raboty pa padrychtoŭcy terytoryi pad uźviadzieńnie kaścioła Biezzahannaha Začaćcia Najśviaciejšaj Panny Maryi, paviedamiła parafija.
Na praciahu 10 hadoŭ jana źbirajecca ŭ časovaj kaplicy, i ciapier, narešcie, pačynajucca raboty pa budaŭnictvie chrama.
A napiaredadni ŭ novym mikrarajonie Hrandzičy ŭ Hrodnie pačali vyraŭnoŭvać učastak pad uźviadzieńnie kaścioła śviatoha ajca Pia.
U toj ža čas u Pinsku ramantujuć fasad kafiedralnaha kaścioła Uniebaŭziaćcia Najśviaciejšaj Panny Maryi, pabudavanaha ŭ pačatku XVIII stahodździa. Pramysłovyja alpinisty ačyščajuć ścieny i rychtujuć ich da farbavańnia, umacoŭvajuć paškodžanyja ŭčastki.
Čytajcie taksama:
U Vatykanie abmierkavali prablemu Čyrvonaha kaścioła i źniavolenych śviataroŭ
U Budsłaŭski kaścioł viarnuli statuju, paškodžanuju pry pažary
Ksiandza ź Lidy zatrymali za padpiski na «ekstremisckija» resursy