YouTube abmiažuje raźmiaščeńnie azartnaha kantentu
Ciapier płatforma budzie bolš pilna rehulavać uvieś kantent, źviazany z azartnymi hulniami, paviedamiła pres-słužba YouTube. Źmieny pačnuć dziejničać z 19 sakavika.
YouTube. Fota: Olly Curtis / Future via Getty Images
Pad zabaronu trapiać sajty, jakija parušajuć miascovaje zakanadaŭstva i nie byli pravieranyja YouTube abo Google. Taksama nielha budzie raźmiaščać kantent z vyjavami, tekstami, łahatypami abo vykazvańniami, jakija mohuć nakiravać na azartnyja sajty.
Raniej u hetaj halinie na płatformie taksama byli abmiežavańni, ale ciapier kampanija abiacaje ich uzmacnić.
YouTube uvioŭ i funkcyju kantrolu ŭzrostu karystalnikaŭ dla dostupu da kantentu z rekłamaj anłajn-kazino. Ciapier niepaŭnaletnija naviedvalniki nie zmohuć hladzieć kantent, jaki pakazvaje abo rekłamuje takija pasłuhi i sajty sa staŭkami na sport. Heta ž adnosicca i da karystalnikaŭ, jakija nie prajšli aŭtaryzacyju.