Što za 26-hadovy kiroŭca ź Lepiela, jaki pajšoŭ vajavać za Rasiju i źnik bieź viestak pad Vaŭčanskam?
Biełarus Jaŭhien Iljin z pazyŭnym «Lehijanier» pajšoŭ na zadańnie ŭ Charkaŭskaj vobłaści Ukrainy — i nie viarnuŭsia.
Radyjo Svaboda znajšło dvuch biełarusaŭ, jakija pajšli vajavać za Rasiju i źnikli bieź viestak na terytoryi Ukrainy. Pra recydyvista Michaiła Šałhuna my ŭžo raskazvali. Ciapier sabrali bolš infarmacyi pra druhoha biełarusa.
Jaŭhienu Iljinu było 26 hadoŭ. Pa źviestkach prajekta Digital Intelligence Team, jon rodam ź Lepiela. Paśla škoły skončyŭ Lepielski dziaržaŭny prafiesijny licej. Z 2017 pa 2019 hady słužyŭ u armii.
Jaŭhien Iljin ź siastroj Kryścinaj. Fota ź jahonaj staronki Ukantakcie
Iljin pracavaŭ kiroŭcam u sielskahaspadarčych pradpryjemstvach i Lepielskim małočna-kansiervavym kambinacie. Apošniaje miesca jahonaj pracy — «Babrova-Ahra». Heta nievialikaje sielskahaspadarčaje pradpryjemstva ŭ Dubrovienskim rajonie la samaj miažy z Rasijaj.
Maci chłopca pamierła, u jaho zastałasia tolki siastra. Jana i zabiła tryvohu dy raskazała, što Jaŭhien źnik bieź viestak 3 studzienia 2025 hoda padčas bajavoha zadańnia. Siastra raskazała, što jon pajšoŭ vajavać dobraachvotnikam u v/č 52067, jakaja, miarkujučy pa adkrytych źviestkach, źviazanaja z vajskovaj vyviedkaj. Maje pazyŭny «Lehijanier».
Skrynšot z telehram-kanała «Nie čakaj na mianie z Ukrainy»