Zialenski zajaviŭ pra adnaŭleńnie pracy z ZŠA
Ukrainskaja i amierykanskaja kamandy adnavili sumiesnuju pracu, paviedamiŭ prezident Ukrainy Uładzimir Zialenski. Pavodle jaho słoŭ, Kijeŭ spadziajecca, što sustreča pamiž pradstaŭnikami bakoŭ adbudziecca na nastupnym tydni i budzie «źmiastoŭnaj».
Uładzimir Zialenski. Fota: Pier Marco Tacca / Getty Images
Miž tym žurnalistka Fox News Džeki Hajnrych śćviardžaje, što dziaržsakratar Marka Rubia, śpiecyjalny pasłańnik ZŠA Styŭ Uitkaf i daradca prezidenta ZŠA pa nacyjanalnaj biaśpiecy Majk Uołc 11 sakavika adpraviacca ŭ Er-Ryjad, kab sustrecca tam z ukraincami, u pryvatnaści z kiraŭnikom Ofisa prezidenta Andrejem Jermakom.
Napiaredadni Uołc pravioŭ telefonnuju razmovu ź Jermakom adnosna mirnych pieramoŭ, jakija majuć adbycca.
«My ŭžo havorym pra miery pa ŭmacavańni davieru, jakija potym pieradadzim rasijanam i pravierym ich na tryvałaść. Heta budzie žorstkaja čaŭnočnaja dypłamatyja, ale abodva baki pavinny być uciahnutyja. [ … ] Ja dumaju, što my ruchajemsia ŭ stanoŭčym kirunku», — skazaŭ amierykanski čynoŭnik.
Čytajcie taksama:
Załužny: ZŠA rujnujuć suśvietny paradak, a Rasija pryjdzie pa Jeŭropu
«Pavarotny momant historyi»: lidary krain Jeŭropy sabralisia na samit pa biaśpiecy i Ukrainie
Dziaržsakratar Rubia: Spynieńnie vajny va Ukrainie zapatrabuje sastupak z abodvuch bakoŭ