Paplečniki Trampa źviazvalisia ź Cimašenka i Parašenkam dla abmierkavańnia budučych vybaraŭ prezidenta Ukrainy
Čatyry vysokapastaŭlenyja členy atačeńnia Donalda Trampa viaduć sakretnyja pieramovy z palityčnymi apanientami Uładzimira Zialenskaha ŭ Kijevie, piša Politico.
Čatyry vysokapastaŭlenyja sajuźniki Donalda Trampa praviali sakretnyja pieramovy ź niekatorymi z hałoŭnych palityčnych praciŭnikaŭ Uładzimira Zialenskaha ŭ Kijevie. Heta adbyvajecca na fonie taho, što Vašynhton uzhadniaje svaju pazicyju z Maskvoj u sprobach adchilić ukrainskaha prezidenta ad ułady.
Pa danych troch ukrainskich deputataŭ i amierykanskaha respublikanskaha ekśpierta ŭ śfiery zamiežnaj palityki, nabližanyja da Trampa asoby sustrelisia z adnym ź lidaraŭ ukrainskaj apazicyi Julijaj Cimašenka, jakaja viadomaja svajoj ambicyjnaściu, a taksama z vysokapastaŭlenymi členami partyi Piatra Parašenki, papiarednika Zialenskaha na pasadzie prezidenta.
Hałoŭnaj temaj abmierkavańniaŭ było pytańnie pra mahčymaść praviadzieńnia chutkich prezidenckich vybaraŭ va Ukrainie.
Sajuźniki Trampa ŭpeŭnienyja, što Zialenski prajhraje vybary praz stomlenaść hramadstva ad vajny i niezadavalnieńnia ŭzroŭniem karupcyi. Sapraŭdy, jaho rejtynhi źnižalisia, ale pavysilisia paśla minułaha tydnia, kali jon byŭ vyhnany z Avalnaha kabinieta padčas emacyjnaj sustrečy z prezidentam Donaldam Trampam i vice-prezidentam Džej Dzi Vensam.
Apošnija sacyjałahičnyja danyja śviedčać, što Zialenski ŭsio jašče źjaŭlajecca hałoŭnym favarytam u honcy za prezidenckuju pasadu.
Kamientary
Čtoby naznačiť marionietku, kotoraja podpišiet kapitulaciju Ukrainy.