Tramp: Ukraina i Rasija ŭrešcie zaklučać pahadnieńnie ab pieramirji

Prezident ZŠA zajaviŭ, što ni ŭ Kijeva, ni ŭ Maskvy niama inšaha vybaru, jak pryjści da Pahadnieńnia ab spynieńni ahniu.

Fota: Christopher Furlong / Getty Images

U čaćvier, paśla padpisańnia šerahu vykanaŭčych ukazaŭ, prezident ZŠA Donald Tramp pa tradycyi adkazaŭ na pytańni žurnalistaŭ i prakamientavaŭ dziejańni inšych palitykaŭ, piša «Hołas Amieryki».

Na pytańnie presy ab tym, čaho jon čakaje ad nastupnaj sustrečy ź Zialenskim, Donald Tramp skazaŭ, što čakaje, što «Ukraina (usio ž taki) zaklučyć uhodu» ab spynieńni ahniu. 

«Bo ja nie dumaju, što ŭ ich jość vybar, — dadaŭ amierykanski prezident. — Ja taksama dumaju, što i Rasija choča ŭkłaści ŭhodu, bo tolki ja viedaju, što i ŭ ich niama vybaru».

Tramp adznačyŭ, što pakul nie viedaje ci pajedzie jon sam u Saudaŭskuju Araviju na pieramovy z Pucinym i Zialenskim.

«U pieršy i apošni raz, kali ja byŭ u Saudaŭskaj Arabii, jany ŭkłali 50 miljardaŭ dalaraŭ (u amierykanski rynak), — nahadaŭ prezident ZŠA. Na hety raz jany stali bahaciejšymi. Tamu ja skazaŭ, ja pajedu, kali vy ŭkładziecie (u amierykanski rynak) tryljon dalaraŭ na praciahu čatyrochhadovaha pieryjadu, i jany pahadzilisia zrabić heta, tak što ja źbirajusia tudy pajechać. I ŭ mianie ź imi vydatnyja adnosiny».

Tramp u stanoŭčym klučy vykazaŭsia z nahody zajavy prezidenta Francyi Emanuela Makrona pra hatoŭnaść Francyi prapanavać svaju jadziernuju abaronu Jeŭropie, a taksama pra hatoŭnaść Francyi adpravić miratvorcaŭ va Ukrainu.

«Kali my zmožam heta zrabić, ja skažu, što my damahlisia vialikaha prahresu z Ukrainaj i vialikaha prahresu z Rasijaj za apošnija paru dzion, i było b vydatna pakłaści hetamu kaniec, — zajaviŭ prezident ZŠA. — Było b vydatna, kali b naohuł pazbavilisia ad jadziernaj zbroi… Ja (u pieršy termin) byŭ vielmi blizki da taho, kab stvaryć prahramu denuklearyzacyi z Rasijaj. My źbiralisia atrymać heta i ad Kitaja. Ja kazaŭ pra heta sa staršynioj Si Czińpinam i jon byŭ by vielmi rady pajści na heta … (ciapier) nam daviałosia viarnucca da hetaha čatyry hady praz»»

Prezident ZŠA znoŭ zakranuŭ i pytańnie nieabchodnaści pavyšeńnia vydatkaŭ na abaronu z boku ŭsich čalcoŭ NATO.

«Kali vy nie źbirajeciesia płacić, my nie budziem vas abaraniać, — padkreśliŭ Tramp. — Ja skazaŭ heta siem hadoŭ tamu i praz heta jany zapłacili sotni miljonaŭ dalaraŭ … kali ja pryjechaŭ u (štab-kvateru) NATO, uśviadomiŭšy, što hetyja ludzi nie płaciać pa rachunkach, ja skazaŭ, što mnie varta pačakać da majoj druhoj sustrečy. Tak i adbyłosia. Ja razhladaju NATA jak patencyjna dobry (aljans). Ale znoŭ ža, my płacim 100% za ich uzbrojenyja siły, a jany padmanvajuć nas u handli»»

Kamientary da artykuła