Biełaruskija navukoŭcy z dapamohaj DNK-technałohij adnoviać vyhlad znatnaj žančyny, jakaja žyła ŭ Turavie ŭ XII stahodździ
U ramkach daśledavańniaŭ płanujecca ŭdakładnić jaje bijałahičny ŭzrost, rost i inšyja asablivaści.
Pareštki znatnaj žančyny z šyfiernaha sarkafaha, vyhlad jakoj płanujuć adnavić sučasnymi mietadami. Fota: Instytut historyi NAN Biełarusi
Pra heta ŭ svaim telehram-kanale paviedamiŭ Instytut historyi NAN Biełarusi.
4 sakavika zahadčyca adździeła zachavańnia i vykarystańnia archieałahičnaj spadčyny instytuta Natalla Pačobut, a taksama supracoŭniki adździeła antrapałohii Mikałaj Pamazanaŭ i Valancina Vińnikava naviedali archieałahičnuju ekspazicyju «Staražytny Turaŭ».
Z kiraŭnictvam i zachavalnikami Turaŭskaha krajaznaŭčaha muzieja supracoŭniki instytuta abmierkavali pytańni, źviazanyja z fondami i navukova-daśledčaj pracaj z archieałahičnymi materyjałami Turaŭskaha sabora pačatku 70-ch hadoŭ XII stahodździa. Ekspazicyja muzieja, pryśviečnaja staražytnamu Turavu raźmiaščajecca ŭ paviljonie, uźviedzienym u 2005 hodzie nad raskapanym padmurkam staražytnaha chrama, razburanaha, jak ličycca, ziemlatrusam 1230 hoda.
Reštki staražytnaruskaha chrama ŭ ekspazicyi «Staražytny Turaŭ». Fota: Instytut historyi NAN Biełarusi
Asobnuju ŭvahu daśledčyki nadali žanočamu pachavańniu, zachavanamu ŭ 2005 hodzie mietadam pieranosu sarkafaha. Pryniali miery, kab palepšyć jaho ekspanavańnie.
Navukoŭcy płanujuć daśledavać hetyja pareštki i ŭdakładnić bijałahičny ŭzrost, rost i inšyja marfałahičnyja asablivaści pachavanaj asoby, vykarystoŭvajučy mietady histałohii, ličbavaj renthienahrafii i kampjutarnaj rekanstrukcyi źniešniaha abličča z prymianieńniem DNK-technałohij.
Daśledavańni dazvolać bolš detalova i dakładna adnavić źniešnaść žančyny, jakaja naležała da elity Turaŭskaha kniastva XII stahodździa, i pašyryć ujaŭleńnie pra sacyjalny skład nasielnictva hetaha rehijona ŭ staražytnaści.