Papa Francišak dasłaŭ hałasavoje paviedamleńnie z balnicy i padziakavaŭ viernikam za malitvy
Papa Francišak dasłaŭ z balnicy «Džemieli» hałasavoje paviedamleńnie, u jakim padziakavaŭ usim, chto za jaho maliŭsia, pakul jon byŭ špitalizavany z branchitam. Zapis apublikavała vydańnie Vatican News.
Papa Francišak. Fota: AP
«Ja dziakuju vam ad usiaho serca za malitvy, jakija vy ŭznosicie ab maim zdaroŭi z płoščy [Śviatoha Piatra]. Ja supravadžaju vas adsiul. Chaj dabrasłavić vas Haspodź i chaj abaronić vas Dzieva Maryja. Dziakuj vam», — skazaŭ jon na ispanskaj movie.
Z 24 lutaha tysiačy viernikaŭ dałučylisia da rymskich kardynałaŭ, a taksama da ŭsich supracoŭnikaŭ Rymskaj kuryi i Rymskaj dyjacezii na płoščy Śviatoha Piatra, kab pramović malitvu Śviatoha Ružanca za zdaroŭje papy Franciška.
Užo 21 dzion Francišak lečycca ad branchitu ŭ klinicy «Džemieli».
Jon pieražyŭ niekalki krytyčnych epizodaŭ, u tym liku bronchaspazm i pieralivańnie kryvi. Niekalki dzion tamu paviedamlałasia, što papie stała lepiej.
Čytajcie taksama:
Papa Francišak pravioŭ spakojnuju noč u špitali
U Papy Franciška zdaryŭsia bronchaspazm
Vatykan paviedamiŭ ab nievialikim palapšeńni stanu Papy Franciška
Stan Papy Franciška zastajecca krytyčnym, jamu zrabili pieralivańnie kryvi
Dziaržsakratar Vatykana: Čutki pra adstaŭku Papy — niepatrebnyja śpiekulacyi