«Biełavija» skasavała biaspłatnuju opcyju vybaru miesca na samalocie
Ciapier pry rehistracyi na samalot «Biełavija» u ekanom-kłasie za vybar bolš zručnaha miesca treba płacić, zaŭvažyŭ 34travel.
Raniej heta funkcyja prapanoŭvałasia biaspłatna.
Ciapier pry rehistracyi na rejs biaspłatnaje miesca ŭ ekanom-kłasie možna atrymać tolki kala tualeta.
Na aficyjnym sajcie Belavia udakładniajecca, što pasłuha papiaredniaha vybaru miesca ciapier płatnaja. Jana dastupnaja na ŭsich rehularnych rejsach, akramia vyletaŭ z Dubaja, Deli, Turkmienbašy, Urumčy i Šardžy, a taksama na čarternych rejsach ź Minska i niekatorych inšych haradoŭ. Košt zaležyć ad katehoryi, taryfu bileta i inšych umoŭ.
Adziny sposab biaspłatna atrymać bolš zručnaje miesca — pryjechać u aeraport zahadzia i zarehistravacca na rejs kala stojki.
Novyja praviły raspaŭsiudžvajucca tolki na taryfy ekanom-kłasa — pasažyry biźnies-kłasa mohuć biaspłatna vybrać sabie miesca ŭ sałonie.