U Biełarusi pastavili jašče adzin pomnik chlebu FOTY
Novy pomnik chlebu źjaviŭsia ŭ Žabinkaŭskim rajonie, niedaloka ad Bresta. Ideju pastavić taki pomnik prydumali ŭ miascovaj haspadarcy AAT «Rahaźnianski», paviedamiła BiełTA.
Pabačyć manumient možna prosta z trasy M-1.
«Spačatku chacieli zrabić pomnik prosta viaskovaj pracy, — raskazała dyrektarka «Rahaźnianskaha» Hanna Płytnik. — Ale ž usio, što my robim u sielskaj haspadarcy — i ŭ poli, i na fiermie, — usio dziela chleba. Chleb — heta samaje kaštoŭnaje, što ŭ nas jość. Voś i vyrašyli, što pomnik budzie mienavita jamu».
«U kampazicyi prykoŭvajuć uvahu ruki z padrumianienym karavajem i ilśnianyja kałasy, abvityja stužkaj z nadpisam na biełaruskaj movie «Chvała rukam, što pachnuć chlebam». Viančaje skulpturu busieł u palocie — vierny spadarožnik ahraryjaŭ u palach», — apisvaje pomnik dziaržaŭnaja presa.
Heta, darečy, nie adziny pomnik chlebu ŭ Biełarusi. Jak minimum jašče adzin u 2014 hodzie pastavili ŭ Pinsku. Eskiz dla jaho tady śpiecham namalavaŭ tahačasny staršynia Bresckaha abłvykankama Kanstancin Sumar.
Čytajcie taksama:
U Iŭi źbirajucca pastavić pomnik pamidoru
U Lidzie vyznačylisia, jak budzie vyhladać pomnik paetu Valancinu Taŭłaju FOTA
U Charkavie pastavili pomnik mastaku biełaruskaha pachodžańnia. Suviaź ź Biełaruśsiu zamoŭčvajecca
Kamu pavinien być pomnik pierad Domam uradu zamiest Lenina? Ideja Hurnieviča