U Baškartastan zaviazuć jašče 18 biełaruskich zubroŭ
U 2025 hodzie ŭ Baškartastan płanujecca zavoz novaj partyi zubroŭ ź Biełarusi, paviedamlaje TASS.
Zubry. Fota ilustracyjnaje
Pa słovach v. a. kiraŭnika dyrekcyi asabliva achoŭnych terytoryj hetaha rasijskaha rehijonu Ajrata Valatdzinava, navukoŭcy rekamiendavali pavialičyć kolkaść hrupy žyvioł da 50-100 hałoŭ dla stvareńnia ŭstojlivaj papulacyi, zdolnaj da samaabarony i razmnažeńnia.
«Pakul płanujem, što zaviaziem jašče 18 hałoŭ zubroŭ sioleta. U ciapierašni čas u pryrodnym parku «Muradymaŭskaja ciaśnina» žyvie 22 zubry, uklučajučy zubraniat. Heta mierapryjemstva nakiravana na zachavańnie i adnaŭleńnie papulacyi zubroŭ u rehijonie, kab stvaryć ustojlivaje pahałoŭje žyvioł, zdolnych da samaabarony i repradukavańnia papulacyi», — skazaŭ jon.
Pavodle słoŭ Valatdzinava, rost papulacyi zubroŭ ničym nie pahražaje miascovym žycharam, karmavoj bazy i miesca tut chopić usim.
Pieršaja papulacyja zubroŭ ź Biełarusi źjaviłasia ŭ Baškartastanie ŭ 2023 hodzie. Tady byli zaviezienyja dźvie partyi pa 9 asobin.
Čytajcie taksama:
Biełaviežskaja pušča pradała troch zubroŭ u Tatarstan
U pojmu Zachodniaj Biareziny pierasialili bolš za 30 tarpanaŭ. U ich budzie važnaja zadača
U Biełaviežskaj puščy pakazali, jakija žyvioły traplajuć u FOTApastku