USU paviedamlajuć pra źniščeńnie «vialikaj hrupy dyviersantaŭ» u tuneli
Va USU paviedamlajuć, što ŭkrainskija desantniki źniščyli «vialikuju hrupu dyviersantaŭ», jakija sprabavali praniknuć praz padziemnyja kamunikacyi hazapravoda «Prahres» u Sudžanskim rajonie na Kurščynie, piša «Suśpilnie».
U centry Sudžy. Zdymak ilustracyjny. Fota: AP Photo, File
Pa słovach aficera Haja, ukrainskija desantniki zabłakavali vychad z tunela i źniščyli kala 80% hrupy.
Raniej paviedamlałasia, što kala sotni vajskoŭcaŭ rasijskaj armii prajšli praz hazapravod da ŭkrainskich pazicyj u rajonie Sudžy.
Taksama va ŭkrainskaj vajskovaj hrupoŭcy «Kursk» paviedamlajuć, što masavaha praryvu miažy pamiž nasielenymi punktami Novieńkaje i Žuraŭki pa stanie na hety momant nie fiksujecca.
«Rasijanie pa-raniejšamu sprabujuć dziejničać adzinkavymi hrupami pa niekalki čałaviek. Asnoŭnaja meta takich hrup — zamacavańnie na ŭkrainskaj terytoryi i pašyreńnie zony bajavych dziejańniaŭ. Siły abarony Ukrainy efiektyŭna źniščajuć takija hrupy», — paviedamili va ŭskrainskim Centry supraćdziejańnia dezynfarmacyi.
Čytajcie taksama:
100 rasijan dajšli da Sudžy ŭnutry pustoha hazapravoda. Ich nie zmahli ŭzarvać