Rasijskija vojski ździejśnili chutki praryŭ u Kurskaj vobłaści i amal adrezali častku hrupoŭki USU ad asnoŭnych sił

Rasijskija vajskoŭcy amal dajšli da miažy z Ukrainaj u paŭdniovaj častcy kantralavanaha USU vystupu ŭ Kurskaj vobłaści, śviedčać źviestki ŭkrainskaha OSINT-prajekta DeepState.

U vyniku častka padkantrolnaj ukrainskim vojskam terytoryi apynułasia praktyčna adrezanaja ad asnoŭnaha vystupu. Dalejšaje prasoŭvańnie rasijskaj armii moža pahražać poŭnym akružeńniem usioj hrupoŭki USU ŭ Kurskaj vobłaści skazaŭ «Ahienctvu» ekśpiert Conflict Intelligence Team (CIT).

Pačatak prasoŭvańnia ŭ paŭdniovaj častcy vystupu DeepState zafiksavaŭ u čaćvier: tady ŭ «šeruju zonu» (nie kantraluje nivodny z bakoŭ) pierajšło siało Kuryłaŭka (kala 5 km na poŭdzień ad Sudžy).

Pavialičyć

Rasijski vajenkar Juryj Kacianok pisaŭ pra zachop Kuryłaŭki. Amierykanski instytut vyvučeńnia vajny (ISW) adnios i zachop, i prasoŭvańnie rasijskaj armii ŭ hetym rajonie da niepaćvierdžanych zajavaŭ.

Da piatnicy, zhodna z kartaj DeepState, rasijskija vojski prasunulisia jašče dalej i amal vyjšli da rasijska-ŭkrainskaj miažy.

Padkantrolnaja USU terytoryja Kurskaj vobłaści vakoł Hujeva (11 km na poŭdzień ad Sudžy) i Hornal (15 km) akazałasia praktyčna adrezanaj ad asnoŭnaha vystupu.

Heta prasoŭvańnie rasijskich vojskaŭ paćvierdziŭ rasijski pravajenny telehram-kanał «Dva majory». Pavodle źviestak kanała, rasijskija vajskoŭcy prajšli da 4 km uhłyb kantralavanaj praciŭnikam terytoryi.

DeepState tłumačyć prasoŭvańnie rasijskich vajskoŭcaŭ u Kurskaj vobłaści tym, što Rasija vykarystoŭvaje ŭ atakach vialikuju kolkaść paŭnočnakarejskich vajskoŭcaŭ.

U Kurskaj vobłaści skłałasia surjoznaja dla ŭkrainskich vajskoŭcaŭ situacyja, skazaŭ ekśpiert CIT: «Rasijskija vajskoŭcy nabližajucca da darohi Sudža — Sumy, jakaja źjaŭlajecca asnoŭnaj łahistyčnaj arteryjaj dla hrupoŭki USU ŭ Kurskaj vobłaści, ciapier i z paŭdniovaha ŭschodu». Raniej rasijskija vajskoŭcy nablizilisia da hetaj darohi ź inšaha boku (nastup idzie ad vioski Śviardlikava), surjozna ŭskładniŭšy łahistyku USU. «U vypadku vychadu US RF u rajon KPVV [pamiežnaha pierachodu] «Sudža» hrupoŭcy USU pahražaje poŭnaje akružeńnie», — rastłumačyŭ ekśpiert.

Usiaho za niapoŭny tydzień Ukraina straciła kantrol nad 52,9 kv km u Kurskaj vobłaści, śviedčać źviestki DeepState. Zrešty, častka hetych strat mahła adbycca raniej, a na hetym tydni tolki zafiksavana, tłumačyŭ raniej ekśpiert CIT.

Zaraz pad kantrolem USU ŭ Kurskaj vobłaści, pa dadzienych DeepState, zastajecca 354,5 kv km terytoryi. Ahulnaja płošča zony bajavych dziejańniaŭ — 544,5 kv km.

• 7
• 3
• 2
• 6
• 4
• 21
• 24
• 0