Zialenski nazvaŭ skład ukrainskaj delehacyi na pieramovach u Saudaŭskaj Aravii
Prezident Ukrainy Uładzimir Zialenski nazvaŭ skład ukrainskaj delehacyi na sustrečy z pradstaŭnikami ZŠA ŭ Saudaŭskaj Aravii na nastupnym tydni. Samoha jaho ŭ joj nie budzie.
Uładzimir Zialenski. Fota: Jonathan Raa NurPhoto via Getty Images
«Nastupny tydzień ja pačnu ź vizitu ŭ Saudaŭskuju Araviju. Paśla majoj sustrečy ŭ paniadziełak z naślednym pryncam ukrainskija dypłamatyčnyja i vajskovyja pradstaŭniki zastanucca dla sustrečy ŭ aŭtorak z amierykanskaj kamandaj», — raskazaŭ Zialenski.
Prezident Ukrainy paviedamiŭ, što ŭ skład ukrainskaj delehacyi ŭvojduć kiraŭnik jahonaha ofisa Andrej Jarmak, namieśnik Jermaka Pavieł Palisa, ministr zamiežnych spraŭ Ukrainy Andrej Sibiha i ministr abarony Rustem Umieraŭ.
11 sakavika ŭkrainskaja i amierykanskaja delehacyi płanujuć abmierkavać u Saudaŭskaj Aravii pytańni, jakija tyčacca vajny, jakuju Rasija viadzie va Ukrainie.
Čytajcie taksama:
Śpiecpasłańnik Trampa paćvierdziŭ, što na nastupnym tydni adbuducca pieramovy Ukrainy i ZŠA
Tramp: Ukraina i Rasija ŭrešcie zaklučać pahadnieńnie ab pieramirji
Tramp zajaviŭ, što jamu bolš składana damaŭlacca z Ukrainaj, čym z Rasijaj