Łukašenka — Turčynu: U vas jość prezidenckija schilnaści
Pra heta Alaksandr Łukašenka skazaŭ Alaksandru Turčynu, pryznačajučy premjeram urada, piša BiełTA.
Alaksandr Łukašenka, pryznačajučy premjer-ministram Alaksandra Turčyna, adznačyŭ jaho ŭładarnaść i rašučaść — «najaŭnaść prezidenckich schilnaściaŭ», jak nazvaŭ heta Łukašenka.
«Ja chaču, kab vy zaŭsiody pamiatali — u vas jość takija prezidenckija schilnaści, jak u mianie. Vy možacie rezka paviarnuć situacyju. Ale tut vam daviadziecca raicca z Ramanam Alaksandravičam (eks-premjeram Hałoŭčankam, jakoha pryznačyli kiraŭnikom Nacbanka — Red.). Vy — staršynia ŭradu», — padkreśliŭ Łukašenka.
Jon adznačyŭ, što kali b urad kiravaŭsia pa pryncypie «dyktatury», to hubiernatary nie byli b uklučany ŭ skład urada.
«Jany razumiejuć, što adkaznaść budzie značnaja, i voś jaho błok, i jon budzie kiravać hetym błokam. Budź to ekanomika, budaŭnictva, sielskaja haspadarka ci ŭvieś sacyjalny błok. Napeŭna, heta budzie vyhadna i dla vas», — zajaviŭ Łukašenka.
Čytajcie taksama:
Hałoŭčanku adpravili ŭ adstaŭku. Novy premjer — Alaksandr Turčyn
«Razumny čałaviek, i heta maksimum». Što kažuć pra Alaksandra Turčyna, novaha premjera