DAI choča zabaranić vykarystańnie zimoj usiesiezonnych šyn
DAI prapanuje zabaranić vykarystoŭvać zimoj usiesiezonnyja šyny. Adpaviednuju papraŭku chočuć unieści ŭ PDR u pieralik niaspraŭnaściaŭ, ź jakimi zabaronienaja ekspłuatacyja transpartu. Pra heta ŭ efiry telekanała «Biełaruś 1» raskazaŭ načalnik DAI Biełarusi Viktar Rotčankaŭ.
«Na siońniašni dzień dapuskajecca vykarystoŭvać zimoj šyny, jakija majuć paznačeńnie All seasons, to-bok usiesiezonnyja. Choć u techrehłamiencie […] taki typ šyn vykarystoŭvać zimoj nie dapuskajecca. Tamu my chočam unieści karekciroŭku», — zajaviŭ Rotčankaŭ.
Pavodle jaho słoŭ, niekatoryja DTZ zaśviedčyli, što ŭsiesiezonnyja šyny zimoj niebiaśpiečnyja, asabliva tady, kali na pieršaj vosi zimovyja šyny, a na druhoj — usiesiezonnyja. Tady mašyna vielmi lohka idzie ŭ zanos.
Rotčankaŭ dadaŭ, što pry prachodžańni techahladu śpiecyjalisty, čyja dziejnaść rehulujecca adpaviednym techničnym rehłamientam, užo nie dapuskajuć transpartnyja srodki na ŭsiesiezonnaj humie da ŭdziełu ŭ darožnym ruchu zimoj.
Čytajcie taksama:
U MUS nazvali samy vialiki pamier chabaru daišniku za minułyja hady
Maksimalnuju sumu škody, pry jakoj možna afarmlać jeŭrapratakoł, płanujuć pavialičyć
U Biełarusi mohuć źjavicca ahulnyja numarnyja znaki biez pryviazki da rehijonu