U Biełarusi mohuć źjavicca ahulnyja numarnyja znaki biez pryviazki da rehijonu
Biełaruś rychtujecca da ŭviadzieńnia novych aŭtamabilnych numaroŭ biez abaznačeńnia rehijonu. Pra heta raskazaŭ načalnik Hałoŭnaha ŭpraŭleńnia DAI MUS Biełarusi Viktar Rotčankaŭ u efiry telekanała «Biełaruś 1».
Cepier u Minsku zakančvajucca numarnyja znaki z kodam «7» i ŭžo anansavana, što nadalej dla stalicy budzie vykarystoŭvacca kod «8». Paśla hetaha ŭ reziervie Dziaržaŭtainśpiekcyi zastaniecca tolki dziaviatka, jakaja, vierahodna, budzie zamacavanaja za Minskaj vobłaściu.
Uvohule ž kraina ŭžo rychtujecca da pierachodu na novuju sistemu numarnych znakaŭ biez rehijanalnaj pryviazki.
Pa słovach Viktara Rotčankava, u novych rehistracyjnych znakach nie budzie kodaŭ rehijonaŭ, a sami numary buduć utrymlivać try ličby i čatyry litary. U pryvatnaści, miarkujecca, što ŭ pačatku numara buduć dźvie litary, zatym try ličby, paśla ich znoŭ dźvie litary.
«U litarnym vyražeńni vykonvać pryviazku da rehijonu my nie chočam», — padkreśliŭ kiraŭnik DAI.
Pavodle jaho słoŭ, sučasnyja kampjutarnyja bazy dazvalajuć identyfikavać aŭtamabili bieź nieabchodnaści padziełu pa rehijonach.
Pakul dakładnyja terminy pierachodu na novuju sistemu dziaržnumaroŭ nie nazyvajucca, adnak technična DAI da ich vyrabu ŭžo hatovaja.
U Minsku zakančvajucca aŭtamabilnyja numary ź siamiorkaj
Pa ŭsioj Biełarusi ŭstalavali kala 60 tysiač razumnych kamier z raspaznavańniem tvaraŭ
«Padpirajučy hetu mašynu, zadumajsia pra nastupstvy dla svajho zdaroŭja». Pahrozy ŭ adnym minskim dvary
Z 14 lutaha ŭjazdžać u Litvu na mašynach ź biełaruskimi numarami zmohuć tolki biełarusy ź litoŭskimi DNŽ i jašče niekalki katehoryj
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary