Tesla Iłana Maska straciła 15% rynkavaha koštu za adzin dzień
Usiaho za miesiac jana patańnieła na 36%. Heta źviazana jak z rostam kankurencyi na rynku, tak i z bajkotam jaje pradukcyi spažyŭcami pa abodva baki akijana — u adkaz na pazicyju Maska pa Ukrainie. U dadatak rynki bajacca, što handlovyja vojny, raspačatyja Trampam, pryviaduć da padzieńnia ekanomiki.
Iłan Mask i Donald Tramp u Avalnym kabiniecie Biełaha doma, 11 lutaha 2025 hoda. Fota: AP Photo/Alex Brandon
10 sakavika padali ŭsie fondavyja indeksy ZŠA, pry hetym Tesla była lidaram padzieńnia.
Padzieńnie adbyłosia na nastupny dzień paśla taho, jak Tramp u niadzielu dvuchsensoŭna adkazaŭ na pytańnie ab mahčymym spadzie ekanomiki.
Na pytańnie, ci čakaje jon recesii, Tramp adkazaŭ: «Heta pierachodny pieryjad, bo toje, što my robim, vielmi maštabna … heta zojmie trochi času, ale ja dumaju, što dla nas heta pavinna być vydatna», — piša The Wall Street Journal.