ZŠA adnaŭlajuć vajskovuju dapamohu Ukrainie. Rasii prapanujecca spynieńnie ahniu na 30 dzion, Ukraina na heta zhodna
Pra heta paviedamlajecca ŭ supolnaj zajavie pa vynikach amierykanska-ukrainskich pieramovaŭ u Saudaŭskaj Aravii 11 sakavika. Dakumient apublikavany na sajcie prezidenta Ukrainy.
Amierykanskaja i ŭkrainskaja delehacyi ŭ Džydzie. Fota: Salah Malkawi / Getty Images
«Złučanyja Štaty daviaduć da viedama Rasii, što ŭzajemnaść z boku Rasii źjaŭlajecca klučom da dasiahnieńnia miru», — skazana ŭ tekście.
ZŠA adnaŭlaje vajskovuju dapamohu Ukrainie i abmien raźviedźviestkami. Rasii prapanujecca spynieńnie ahniu na 30 dzion, Ukraina na heta zhodna.
Delehacyi taksama abmierkavali važnaść humanitarnych namahańniaŭ jak častki mirnaha pracesu, u pryvatnaści padčas režymu spynieńnia ahniu, uklučajučy abmien vajennapałonnymi, vyzvaleńnie hramadzianskich asob i viartańnie prymusova pieramieščanych ukrainskich dziaciej.
Padkreślivajecca, što ŭkrainskaja delehacyja «vykazała hłybokuju padziaku ad imia ŭkrainskaha naroda prezidentu Trampu, Kanhresu ZŠA i narodu Złučanych Štataŭ za toje, što jany zrabili mahčymym značny prahres na šlachu da miru».
Prezident Ukrainy Uładzimir Zialenski dadatkova padkreśliŭ, što Ukraina pahadžajecca na spynieńnie ahniu tolki kali na heta pahadžajecca Rasija.
Pa słovach dziaržaŭnaha sakratara ZŠA Marka Rubia, Ukraina i ZŠA zrabili «pazityŭny krok» padčas siońniašnich pieramoŭ i jon spadziajecca, što Rasija adkaža ŭzajemnaściu.
Pra prypynieńnie amierykanskaj vajskovaj dapamohi i abmienu raźviedźviestkami z Ukrainaj stała viadoma na minułym tydni.
Čytajcie taksama:
Zialenski: My pahadžajemsia, i kali pahodziacca rasijanie — u toj momant cišynia zapracuje