«Heta nie majo, heta siabra». Biełarus zdymaje reakcyju achoŭnikaŭ mietro na fałaimitatary ŭ zaplečniku — videa źbirajuć miljony prahladaŭ
Biełarus pad nikam @lukash_ źbiraje miljony prahladaŭ u tyktoku, zdymajučy reakcyi achoŭnikaŭ na fałaimitatary ŭ jaho zaplečniku pry nadhladzie ŭ minskim mietro. Apošni rolik užo pahladzieła bolš za čatyry miljony čałaviek.
«Kali stała sumna ŭ vialikim horadzie» — tłumačyć asnoŭnuju matyvacyju zdymać takija videa błohier.
Pierad achoŭnikami, jakija pry skanavańni źmieściva zaplečnika bačać fałaimitatar chłopiec apraŭdvajecca, što heta, maŭlaŭ, nie jaho cacka, a siabra.
Rabotniki mietro zbolšaha reahujuć spakojna. Adzin z hierojaŭ videa tolki nabliziŭ vyjaŭleny pradmiet — chutčej za ŭsio, kab dakładna ŭpeŭnicca, što chłopiec nie pravozić ničoha zabaronienaha.
«Ničoha zabaronienaha nie baču», — adrapartavaŭ achoŭnik, z uchmyłkaj adpuskajučy chłopca.
«Dobraha viečara», — vietliva žadaje jašče adzin supracoŭnik mietrapalitena.
Emocyi achoŭnika mietro ad ubačanaha. Skrynšot: tyktok karystalnik @lukash_
U kamientarach abmiarkoŭvajuć, što za čas svajoj pracy achoŭniki pabačyli stolki prykalistaŭ i prykołaŭ u torbach, što ich, chutčej za ŭsio, daŭno ničym nie ździvić.
Heta nie pieršyja videaekśpierymienty błohiera na temu seksualnych cacak. Tak, na jaho druhim akaŭncie raniej vychodzili videa z reakcyjami supracoŭnic punkta vydačy Ozon na fałaimitatar u zakazie, a taksama emocyi ad fotazdymkaŭ, na jakich całujucca mužčyny — ich tyktokier pakazvaŭ pradaŭcam u kramach, jakich papiarednie prasiŭ dapamahčy z vybaram chudzi ci džynsaŭ, pa prykładzie zachavanych na telefonie madelaŭ.
Čytajcie taksama:
«Tancavała ryba z rakam». Jak pa-biełarusku hučyć pieśnia z kryndžovaha tyktoka
Vachciorka internata BDU pakazała svoj pracoŭny dzień — i skaryła tyktok