Arcybiskup Tadevuš Kandrusievič prachodzić chimijaterapiju, ale «nastroj u jaho aptymistyčny»
Arcybiskup-emieryt Tadevuš Kandrusievič znachodzicca ŭ špitali i prachodzić chimijaterapiju, paviedamiŭ 13 sakavika padčas śviatoj imšy ŭ archikafiedralnym kaściole ŭ Minsku mitrapalit Minska-Mahiloŭski Juzaf Stanieŭski, piša Katolik.life.
Tadevuš Kandrusievič
Mitrapalit dadaŭ, što Kandrusievič pa darozie ŭ špital telefanavaŭ i prasiŭ padziakavać usim za malitvu za jaho.
Pra značnaje paharšeńnie stanu zdaroŭja zasłužanaha ijerarcha, jaki maje ankałahičnaje zachvorvańnie — miełanomu, raniej paviedamlała Kuryja archidyjacezii.
Pry hetym vierniki, znajomyja ź situacyjaj, raskazali, što arcybiskup Kandrusievič da hetaha času nie byŭ špitalizavany i naviedvaŭ palikliniku. Ranicaj 13 sakavika jon adpraŭlaŭ śviatuju imšu, a nastroj u jaho aptymistyčny.
U lutym 2023 hoda arcybiskup Tadevuš Kandrusievič pieranios apieracyju pa vydaleńni puchliny. U traŭni 2024 hoda jamu rabili apieracyju na sercy paśla pieraniesienaha infarktu.
Čytajcie taksama:
U Tadevuša Kandrusieviča značna pahoršaŭ stan zdaroŭja
Pamierła Kaciaryna Łaŭrynienka
U Minsku i Hrodnie pačali budaŭnictva novych kaściołaŭ, a ŭ Pinsku ramantujuć stary