U ZŠA abviaścili ab admienie padpisak na mižnarodnyja navinavyja ahienctvy dla «Radyjo Svabody» i «Hołasu Amieryki»
Ahienctva ZŠA pa hłabalnych miedyja (USAGM), jakoje kuryruje pracu «Hołasu Amieryki» i «Radyjo Svabody», skasoŭvaje kantrakty z Associated Press, Reuters i Agence France-Presse. Pra heta abviaściła pryznačanaja Donaldam Trampam śpiecyjalnaj daradcaj pa USAGI Kery Łejk.
Fota: «Radyjo Svaboda»
«USAGE — navinavaja arhanizacyja, jakaja finansujecca amierykanskimi padatkapłacielščykami, z 83-hadovaj historyjaj. My nie pavinny płacić inšym navinavym kampanijam za toje, kab jany paviedamlali nam ab navinach — ź biudžetam amal u miljard dalaraŭ my pavinny sami vypuskać naviny», — napisała jana.
Krynicy The Insider i «Radyjo Svabody» raskazali, što paśla 1 krasavika žurnalisty zastanucca biez dostupu da infarmacyjnych stužak i pramych videatranślacyj najbujniejšych ahienctvaŭ.
U «Hołasie Amieryki» žurnalistam skazali: «My nie viedajem, jak siońnia stavić materyjały, bo heta nie tolki teksty, ale i videa, i fatahrafii».