Śpiecpasłańnik Trampa vymušany byŭ čakać Pucina vosiem hadzin. Mienavita dla taho ŭ Maskvu vyklikali Łukašenku
Nadoŭha ŭ Maskvie jon nie zatrymaŭsia, piša Sky News.
Styŭ Uitkof la pasolstva ZŠA ŭ Maskvie. Fota: RenTV
Žurnalisty Sky News zrazumieli heta pa kadrach z aeraporta Unukava, na jakich vidać, kali Styŭ Uitkof prybyŭ u Maskvu i kali źjechaŭ.
Usiaho ŭ stalicy Rasii jon prabyŭ kala 12 hadzinaŭ, pakinuŭšy krainu praź niekalki hadzinaŭ paśla pieramovaŭ.
Paśla taho, jak u aŭtorak stała viadoma pra pajezdku Uitkofa ŭ Maskvu, Kreml na chutkuju ruku arhanizavaŭ vizit Łukašenki, pra jaki stała viadoma ŭ sieradu.
I chacia Sky News nie moža paćvierdzić, što vizit Łukašenki ŭ dzień pryjezdu Uitkofa byŭ naŭmysnym, takaja nakładka nie vyhladaje jak supadzieńnie.