Tramp zajaviŭ, što pravioŭ «dobruju i praduktyŭnuju» razmovu z Pucinym i zajaviŭ pra akružeńnie ŭkrainskich vojskaŭ
Prezident ZŠA Donald Tramp zajaviŭ u svajoj sacsietcy Truth pra telefonnuju razmovu z Pucinym. U Biełym domie ŭdakładnili, što śpiecpasłańnik prezidenta ZŠA Styŭ Uitkaf, a nie Tramp razmaŭlaŭ z Pucinym.
Razmova atrymałasia «vielmi dobraj i praduktyŭnaj», adznačyŭ Tramp. Jon ličyć, što heta dobry sihnał na toje, što vajna moža skončycca.
Prezident ZŠA napisaŭ i pra «akružeńnie ŭkrainskich vojskaŭ rasijskimi». Zdajecca, heta nie adpaviadaje realnaści, pra heta nie pišuć aŭtarytetnyja ŭkrainskija i rasijskija krynicy. Adnak heta vyhadny dla rasijskaj prapahandy naratyŭ.
Hienieralny štab Uzbrojenych sił Ukrainy paźniej abvierh zajavy Uładzimira Pucina i prezidenta ZŠA Donalda Trampa ab akružeńni ŭkrainskich padraździaleńniaŭ u Kurskaj vobłaści. U kamandavańni zajavili, što «takija paviedamleńni — vydumka rasijan dla palityčnaha cisku na Ukrainu i jaje partnioraŭ».
13 sakavika śpiecpasłańnik prezidenta ZŠA Styŭ Uitkaf sustreŭsia z Pucinym. Toj pieradaŭ praz Uitkafa «dadatkovyja sihnały» dla Trampa, kazaŭ Dźmitryj Piaskoŭ.
Kamientary