BIEŁ Ł RUS

ZŠA prypyniaje finansavańnie «Radyjo Svaboda» i telekanału «Nastojaŝieje vriemia» z 1 krasavika?

17.03.2025 / 16:12

Nashaniva.com

Abnoŭlena

Miedyja, jakija ŭvachodziać u karparacyju «Radyjo Svabodnaja Jeŭropa/Radyjo Svaboda», prypyniajuć atrymlivać finansavańnie z 1 krasavika 2025 hoda — pra takoje rašeńnie kažuć supracoŭniki rasijskaj słužby. Pra biełaruskuju słužbu pakul nieviadoma.

Pieršapačatkova kanał «Možiem objaśniť», paviedamlaŭ pra spynieńnie pracy redakcyj z 1 krasavika. Paźniej aŭtary ŭdakładnili, što havorka pra spynieńnie finansavańnia. Ab hetym kiraŭnictvu «Radyjo Svaboda» i telekanału «Nastojaŝieje vriemia» paviedamili na naradzie ŭ paniadziełak.

«Da kanca sakavika redakcyja pracuje, paśla hetaha finansavańnie prajektaŭ spyniajecca», — paviedamiŭ adzin z surazmoŭcaŭ «MO».

Biełaruskaja słužba «Radyjo Svaboda» pakul nie kamientavała situacyju.

Pa rašeńni administracyi Trampa ŭžo spyniŭ pracu «Hołas Amieryki»: supracoŭnikaŭ, pačynajučy z vychadnych, pierastali puskać na pracoŭnyja miescy.

Jak sami supracoŭniki redakcyj paviedamili ŭ asabistych sacsietkach, siońnia im pryjšło apaviaščeńnie ab razryvie kantraktaŭ z 31 sakavika.

Čytajcie taksama:

Kamientary da artykuła